Mumbai News :

छत्रपती शिवाजी महाराजांनी अफजलखानाचा कोथळा ज्या वाघनखांनी बाहेर काढला होता ती वाघनखं पाहण्याची संधी सर्वांना मिळणार आहे. छत्रपती शिवाजी महाराजांची वाघनखे सध्या लंडनमध्ये आहेत. तिथून ती आणण्यासाठीचा करार करण्यासाठी राज्याचे सांस्कृतिकमंत्री सुधीर मुनगंटीवार रविवारी लंडनला रवाना झाले आहेत.

करार झाल्यानंतर येत्या १६ नोव्हेंबर रोजी ही वाघनखे मुंबईत आणली जाणार आहेत. उद्या म्हणजेच ३ ऑक्टोबर रोजी लंडनमधील व्हिक्टोरिया आणि अल्बर्ट वस्तू संग्रहालयासोबत छत्रपती शिवाजी महाराजांच्या वाघनखे भारतात आणण्याबाबतचा करार होणार आहे. (Latest Marathi News)

वाघनखे लंडनहून भारतात आल्यानंतर पुढील ३ वर्षांसाठी ती महाराष्ट्रात विविध ठिकाणी ठेवली जाणार आहेत. महाराष्ट्रात वाघनखे आल्यानंतर मोठ्या उत्साहात याचा मोठा सोहळा आयोजित केला जाणार आहे. त्यानंतर मुंबई, सातारा, नागपूर, कोल्हापूर, मुंबई त्यानंतर लंडन असा या वाघनखांचा प्रवास असणार आहे.

शिवप्रेमींना वाघनखे कुठे आणि कधी पाहता येणार?

• १६ नोव्हेंबर - शिवरायांच्या वाघनखांचे मुंबईत आगमन.

• १७ नोव्हेंबर २०२३ ते २४ ऑगस्ट २०२४ - साताऱ्यातील श्री छत्रपती शिवाजी महाराज वस्तुसंग्रहालयात वाघनखे ठेवली जाणार.

• १५ ऑगस्ट २०२४ ते एप्रिल २०२५ - नागपूर येथील शासकीय संग्रहालयात वाघनखे ठेवली जातील.

• एप्रिल २०२५ ते नोव्हेंबर २०२५ - वाघनखे कोल्हापूर येथील शासकीय संग्रहालयात ठेवणार.

• नोव्हेंबर २०२५ ते नोव्हेंबर २०२६ - वाघनखे मुंबईतील छत्रपती शिवाजी महाराज वस्तुसंग्रहालयात सर्वांना पाहता येतील.