सोलापूर: मुंबईच्या आझाद मैदानावरील छत्रपती संभाजीराजे हे आमरण उपोषणाला बसले आहेत. त्यांच्या या आंदोलनाला पाठिंबा म्हणून सोलापुरात शेकडो तरुणांनी जिल्हाधिकारी कार्यालयासमोर लाक्षणिक आमरण ठिय्या आंदोलन सुरु केले आहे.

एसबीसीएसमधून मराठा समाजाला आरक्षण देण्यात यावे, कै. अण्णासाहेब पाटील आर्थिक विकास महामंडळाला शासनाकडून आर्थिक तरतुद करण्यात यावी, कोपर्डीच्या भगिणीला न्याय द्यावा, यासह अन्य मागण्यांसाठी आज खासदार छत्रपती संभाजीराजे (Chhatrapati Sambhajiraje) आझाद मैदान मुंबई येथे आमरण उपोषण करत आहेत.

आरक्षणाचे जनक असणाऱ्या छत्रपती शाहू महाराजांच्या वंशजांना मराठा समाजाच्या आरक्षणासाठी शासनाविरोधात आंदोलन करावे लागत आहे. छत्रपती संभाजीराजे यांच्या आंदोलनाला पाठिंबा म्हणून सोलापुरात शेकडो तरुणांनी जिल्हाधिकारी कार्यालय पुनम गेट येथे आंदोलनास सुरुवात केली आहे.

Edited By - Nupur Uppal