Chhatrapati Sambhajinagar News: छत्रपती संभाजीनगरमध्ये खुनाच्या आरोपींनी पोलिसांवर हल्ला करून वॉरंट फाडल्याची धक्कादायक घटना समोर आली आहे. एवढंच नाही तर एका आरोपीने भिंतीवर डोकं आपटून आत्महत्या करण्याचाही प्रयत्न केला. या घनटेने शहरात खळबळ उडाली आहे.

शहरातील जिल्हा न्यायालयात खुनाच्या गुन्ह्यातील आरोपींनी हा राडा घातल्याचा प्रकार समोर आला आहे. जेलमध्ये तंबाखू, सिगारेट घेऊन जाण्यास पोलिसांनी विरोध केल्याने या आरोपींनी न्यायालय परिसरातच पोलिसांवर हल्ला चढविला.

धक्कादायक बाब म्हणजे याच आरोपींने एका पोलिसाला चावा घेत वॉरंटदेखील फाडून टाकले. हा धिंगाणा एवढ्यावरच थांबला नाही. तर एका आरोपीने भिंतीवर डोके आपटून थेट आत्महत्येचा प्रयत्न केला. (Latest Political News)

जिल्हा न्यायालयात झालेल्या या धिंगाणा प्रकरणात शहरातील वेदांतनगर पोलीस ठाण्यात गुन्हा दाखल करण्यात आला आहे. राहुल युवराज पवार, गणेश रवींद्र तनपुरे व ऋषिकेश रवींद्र तनपुरे अशी आरोपींची नावे आहेत. (Latest Marathi News)