छत्रपती संभाजीनगरमधून एक धक्कादायक बातमी समोर येत आहे. गणपती बसवण्यावरून दोन कुटुंबात तुफान वाद झाला. शाब्दिक वादाचं रूपांतर हाणामारीत झालं. यात तीन जणांना चाकूने भोसकले. तर, तीन जणांना दगडाने मारले. या हाणामारीत एकाचा मृत्यू झाला असल्याची माहिती आहे. इतर जखमींवर सध्या खासगी रूग्णालयात उपचार सुरू आहेत. या घटनेनंतर परिसरात खळबळ उडाली आहे.

छत्रपती संभाजीनगर शहरातील जेएनसी कॉलेजच्यासमोर संभाजी कॉलनीमध्ये हा राडा झाला. गणपती बसवण्यावरून तसेच ढोल वाजवण्याच्या कारणावरून दोन कुटुंबात तुफान राडा झाला. शाब्दिक वाद सुरू असताना हाणामारी सुरू झाली. एका कुटुंबाने चाकूचा वापर केला. तर, दुसऱ्या कुटुंबाने दगडाने हल्ला केला.

या हल्ल्यात तीन जणांना चाकूने भोसकले. तर, तीन जणांना दगडाने मारण्यात आले. या भयंकर हल्ल्यात एकाचा जागीच मृत्यू झाला आहे. तर, जखमींना तातडीने शहरातील खाजगी रुग्णालयात दाखल करण्यात आले आहे. सध्या त्यांच्यावर रुग्णालयात उपचार सुरू आहेत. या हल्ल्यानंतर शहरात खळबळ उडाली आहे.