Chhatrapati Sambhaji Nagar : छत्रपती संभाजीनगरमध्ये आगीची मोठी घटना घडली आहे. शहरातील प्रोझोन मॉल समोरील केबलच्या दुकानाला भीषण आग लागली आहे. घटनास्थळी अग्निशामक दलाच्या 3 ते 4 गाड्या आणि पाण्याचे टँकर पोहचले असून आग विझवण्याचे काम सुरू आहे. (Latest Marathi News)

सकाळच्या सुमारास दुकानाला ही आग लागली आहे. आगीमुळे दुकानील भरपूर साहित्य जळून खाक झाले आहे. आग नेमकी कशामुळे लागली याचे कारण अद्याप अस्पष्ट आहे. सुदैवाने या घटनेत कोणतीही जीवितहानी झालेली नाही.

कानपूर येथे देखील आगीची मोठी दुर्घटना घडली आहे. कानपूरच्या बासमंडी परिसरत भीषण आग लागली आहे. परिसरात असलेल्या एअर टॉवर या इमारतीला ही आग लागल्याने यात अरबो रुपयांचे नुकसान झाले आहे. या दुर्घटनेत इमारतीमधील ५०० हून अधिक दुकानं जळून खाक झाली आहेत. घटनास्थळी अग्निशामक दलाची वाहने दाखल झाली असून आग आटोक्यात आणण्याचे शर्थीचे प्रयत्न सुरू आहेत.