Satara News : भाजप प्रदेशाध्यक्ष चंद्रशेखर बावनकुळे (chandrashekhar bawankule) हे साता-यात (satara) दाखल झाले आहेत. बावनकुळे यांनी खासदार उदयनराजे भाेसले (udayanraje bhosale) यांची त्यांच्या जलमंदिर पॅलेस येथे भेट घेतली. प्रतापगडावरील अफजल खानच्या कबरीनजीकचे अतिक्रमण शिवप्रताप दिनी सातारा प्रशासनाने पाडण्यास प्रारंभ केला. त्यानंतर बावनकुळे यांनी गुरुवारी ट्विट करुन उद्या साता-याला येताेय भेटू असे म्हटले हाेते. (Satara Latest Marathi News)

भाजप प्रदेशाध्यक्ष चंद्रशेखर बावनकुळे हे आज पासून सातारा जिल्हा दौऱ्यावर आहेत. या दरम्यान खासदार उदयनराजे (udayanraje bhosale) आणि आमदार शिवेंद्रराजे यांची ते भेट घेणार आहेत. बावनकुळे यांच्या स्वागतासाठी भाजप जिल्हाध्यक्ष जयकुमार गाेरे यांच्यासह भाजप पदाधिकारी व कार्यकर्ते माेठ्या संख्येने उपस्थित आहेत. (Maharashtra News)

भाजप प्रदेशाध्यक्ष चंद्रशेखर बावनकुळे यांनी जलमंदिर पॅलेस येथे खासदार उदयनराजे भाेसले यांची भेट घेतली. यावेळी उदयनराजेंनी त्यांचे स्वागत केले. दाेन्ही नेत्यांमध्ये सध्या चर्चा सुरु आहे. त्यानंतर बावनकुळे हे आमदार शिवेंद्रसिंहराजेंच्या (shivendraraje bhosale) भेटीसाठी सुरुची बंगला येथे जाणार आहेत.

शिवेंद्रसिंहराजे यांच्या भेटीनंतर बावनकुळे हे राजेंनी आयाेजिलेल्या दुचाकी रॅलीत सहभागी हाेणार आहेत. ही रॅली राजवाडा (गांधी मैदान) ते जिल्हा परिषद अशी काढण्यात येणार आहे. दरम्यान गुरुवारी प्रतापगडावरील अफजल खान कबरीनजीकचे अतिक्रमण प्रशासनाने काढण्यास प्रारंभ केला. त्यावेळी बावकुऴे यांनी ट्विट करुन उद्या साता-यात (satara) भेटू असे म्हटले हाेते. आज ते साता-यात आले असून पत्रकारांशी संवाद साधताना काेणती माेठी गाेष्ट उघडकीस करणार आहेत याची उत्सुकता जनतेला लागून राहिली आहे.

Edited By : Siddharth Latkar