Chandrapur Crime News : चंद्रपूर जिल्ह्यात वैदयकीय अधिकारी यांना मारहाण झाल्याचा प्रकार घडला आहे. या प्रकारानंतर पाेलीसांनी दाेघांना अटक केली आहे. दरम्यान वैद्यकीय अधिकारी यांच्यावर सातत्याने हल्ला हाेत असल्याने वैद्यकीय संघटना देखील आता पुन्हा एकदा आक्रमक हाेण्याची शक्यता आहे. (Maharashtra News)

पाेलीसांनी दिलेल्या माहितीनूसार चंद्रपूर मेडिकल कॉलेजमध्ये हा प्रकार घडला. काल रात्रीच्या सुमारास ही घटना घडली आहे. एका डॉक्टरला नातेवाईकांकडून मारहाण करण्यात आली. ही घटना सीसीटीव्हीत (cctv camera) कैद झाली आहे. डाक्टरांना मारहाण करणाऱ्या दोघांना अटक करण्यात आली आहे असेही पाेलीसांनी नमूद केले.

दरम्यान सहा महिन्यांपूर्वी असाच एक हल्ला याच शासकीय रुग्णालयात झाला होता. तेव्हा सर्व डॉक्टरांनी बंद पुकारला होता. डीनच्या मध्यस्थीनंतर बंद मागे घेण्यात आला होता. आता पुन्हा तशीच घटना घडल्याने वैद्यकीय वर्तुळात खळबळ उडाली असून, रुग्णालयातील कर्मचारी त्यांच्या सुरक्षेची मागणी करु लागले आहेत.

Edited By : Siddharth Latkar