चंद्रपूर/ गडचिराेली : चंद्रपूर (chandrapur) जिल्ह्यात पावसाचा जोर ओसरला आहे. जिल्ह्यात काल रात्रीपासून पावसाने (rain) विश्रांती घेतली आहे. आज (शुक्रवार) सकाळपासून आभाळ मात्र ढगाळलेले आहे. दरम्यान गडचिरोली (gadchiroli) जिल्ह्यातील पूर परिस्थितीमुळे दहा हजारांवर नागरिकांचे स्थलांतर करण्यात आले आहे. (Chandrapur News Update)

चंद्रपूर जिल्ह्यात गेले काही दिवसांपासून पावसानं झाेपडलं आहे. गेले सात दिवस चंद्रपूरकरांना सूर्यदर्शन झालेले नाही. जिल्ह्यातील तेलंगणाला जोडणारा राजुरा शहराजवळील वर्धा नदी पूल मात्र अद्याप पाण्याखाली आहे. चंद्रपूर शहरातील रहमतनगर- सहारा पार्क - राज नगर भागातील पूर अंशतः उतरण्यास सुरुवात झाली आहे. चंद्रपूर शहरालगतच्या इरई धरणाची सातही दारे 0.25 मीटर्सने खुली आहेत.

चंद्रपूर शहरातील दाताळा मार्ग रहदारीसाठी खुला झाला आहे. जिल्ह्यातील ब्रम्हपुरी उपविभागात वैनगंगा नदीत गोसेखुर्द धरणाच्या पाण्याची आवक सुरू आहे. त्यामुळे पाऊस नसतानाही प्रमुख पूल आणि रस्ते बंद आहेत. गोंडपिपरी तालुक्यातील आष्टी येथील पुलावर दाेन फूट पाणी असल्याने चंद्रपूर-अहेरी मार्ग बंद आहे. (Chandrapur Rain Update)

गडचिरोली जिल्ह्यातील पूर परिस्थितीमुळे एकूण दहा हजार नागरिकांचे स्थलांतर करण्यात आले आहे. जिल्ह्यातील दक्षिण भागात पूर परिस्थिती जैसे थे असून पावसाच्या अधून-मधून सरी बरसत आहेत. वैनगंगा -गोदावरी आणि प्राणहिता नद्यांनी आसपासच्या गावांमध्ये पूरस्थिती आणली आहे. दक्षिण गडचिरोलीला चंद्रपूर जिल्ह्याशी जोडणारा आष्टी पूलही पुराच्या पाण्याखाली आहे.

सिरोंचा तालुक्यातून सर्वाधिक नागरिकांचे सुरक्षितस्थळी स्थलांतर झाले आहे. आलापल्ली ते भामरागड हा रस्ता पर्लकोटा नदीचा पूर ओसरल्याने खुला झालाय. तर गडचिरोली ते आरमोरी मार्गही पाल नदीचे पाणी ओसरल्याने सुरू झालाय. गोसेखुर्द धरणाचे पाणी वैनगंगा नदीत प्रवाहित झाल्यानंतर काही प्रमुख मार्ग अद्यापही बंद आहेत. जिल्हा प्रशासन स्थलांतरित नागरिकांना मूलभूत सोयी सुविधा पुरविण्याकडे लक्ष देत आहे. (Maharashtra Heavy Rainfall)

Edited By : Siddharth Latkar