चंद्रपूर : शेजारी राहणाऱ्या दोन कुटुंबांमध्ये क्षुल्लक कारणावरून वाद झाला. याच वादातून दोन गावगुंडांना बोलावून कुटुंबाला मारहाण केली. तसेच चाकूने वार करत एका सतरा वर्षीय मुलाचा खून करण्यात आला. तर घटनेतील मृत मुलाचे चार आप्त चाकू हल्ल्यात गंभीर जखमी झाले आहेत. सदरची घटना चंद्रपूर जिल्ह्यातील मूल येथे घडली.

चंद्रपूर (Chandrapur) जिल्ह्यातील मूल या गावात वास्तव्यास असलेल्या कामडी परिवारावर हा हल्ला चढविण्यात आला आहे. या घटनेत प्रेम कामडी या मुलाचा मृत्यू झाला आहे. कामडी परिवार व त्यांच्या शेजारी राहणाऱ्या कुटुंबात रस्त्यात दुचाकी लावण्यावरून वाद झाला. हा वाद इतका विकोपाला गेला कि थेट काटा काढण्याचे परिवाराने ठरविले. यावरून एका कुटुंबाने चंद्रपूरवरून दोन गुंड बोलावले. या (Crime News) गुंडांनी रात्री गावात येऊन कामडी कुटुंबावर हल्ला केला. चाकू घेवून असलेले हे दोन गुंड चाकूने सपासप वार करीत होते. 

पोलिसांनी ६ जणांना घेतले ताब्यात 

चाकूने वर करत असताना सतरा वर्षांचा प्रेम कामडी या मुलाचा मृत्यू झाला. तर कामडी कुटुंबातील इतर चार जण जखमी झाले. जखमींना लागलीच उपचारासाठी चंद्रपूरला हलवण्यात आले. घटनेची माहिती मिळताच मूल पोलीसांनी घटनास्थळी दाखल होत सहा आरोपींना ताब्यात घेतले. दरम्यान, या घटनेच्या निषेधार्थ आज मूल बंदचे आवाहन करण्यात आले आहे.