मध्य रेल्वेच्या प्रवाशांसाठी महत्वाची बातमी हाती आली आहे. मध्य रेल्वेवरील कसारा ते इगतपुरीच्या भागात ओव्हरहेड इक्विपमेंट (OHE) संबधित अडथळा दूर करण्यासाठी पूर्वतयारीच्या कामासाठी विशेष ट्रॅफिक आणि पॉवर ब्लॉकची घोषणा करण्यात आली आहे. विशेष पॉवर ब्लॉक हा २ जून २०२६ ते ५ जून २०२६ या कालावधीदरम्यान असणार आहे. मध्य रेल्वेने घोषित केलेल्या घोषणेमुळे अनेक गाड्यांच्या वेळापत्रकात बदल करण्यात आला आहे.

ब्लॉकची तारीख आणि कालावधी काय?

पॉवर ब्लॉक हा २ जून २०२६ (मंगळवार) ते दिनांक ०५ जून २०२६ (शुक्रवार) पर्यंत १५.५० ते १७.५० वाजेपर्यंत म्हणजे दररोज दुपारी २ तासांच्या ब्लॉकची घोषणा केली आहे. अप लाईन, मिड लाईन, अप यार्ड लाईन, थळ घाट रिव्हर्सल केबिन आणि खर्डीदरम्यान प्लॅटफॉर्म २, ३ आणि ४ (दोन्ही स्थानके वगळून) असा ब्लॉक विभाग असणार आहे.

ब्लॉक कालावधीत आसनगाव आणि कसारादरम्यान उपनगरीय सेवा उपलब्ध राहणार नाहीत. तसेच कालावधीत उपनगरीय गाड्यांचे शॉर्ट टर्मिनेशन केले जाणार आहे. छत्रपती शिवाजी महाराज टर्मिनस येथून अनुक्रमे १३.१०, १४.१७ आणि १४.४६ वाजता सुटणाऱ्या छत्रपती शिवाजी महाराज टर्मिनस - कसारा लोकल N19, N21 आणि N23 आसनगाव येथेच शॉर्ट टर्मिनेट केल्या जाईल.

कोणत्या गाड्या कुठून सुटणार?

कसारा येथून १५.३५ वाजता सुटणारी N24 लोकल आसनगाव येथून १६.१२ वाजता सुटेल. कसारा येथून १६.१६ वाजता सुटणारी N26 लोकल आसनगाव येथून १६.५४ वाजता सुटेल. कसारा येथून १७.०२ वाजता सुटणारी N28 लोकल आसनगाव येथून १७.३९ वाजता सुटेल.

शेवटची लोकल कोणती असणार?

कसारासाठी ब्लॉकच्या आधीची शेवटची उपनगरीय सेवा N17 छत्रपती शिवाजी महाराज टर्मिनस-कसारा असेल, जी छत्रपती शिवाजी महाराज टर्मिनस येथून १२.३० वाजता सुटेल. तर छत्रपती शिवाजी महाराज टर्मिनससाठीची ब्लॉकपूर्वीची शेवटची लोकल N22 कसारा-छत्रपती शिवाजी महाराज टर्मिनस असेल, जी कसारा येथून १४.४२ वाजता सुटेल.

कसारासाठीची ब्लॉकनंतरची पहिली लोकल N25 छत्रपती शिवाजी महाराज टर्मिनस-कसारा असेल, जी छत्रपती शिवाजी महाराज टर्मिनस येथून १६.५० वाजता सुटेल. छत्रपती शिवाजी महाराज टर्मिनस साठीची ब्लॉकनंतरची पहिली लोकल N30 कसारा-छत्रपती शिवाजी महाराज टर्मिनस असेल, जी कसारा येथून १८.१७ वाजता सुटेल.