Nashik Crime News :

नाशिकमधील वाढती गु्न्हेगारी पोलिसांसाठी डोकेदुखी ठरत आहे. गेल्या काही दिवसात नाशिकमध्ये गुन्हेगारीच्या घटनांमध्ये मोठी वाढ झाली आहे. गुन्हेगारांना धाक राहिला की नाही अशी स्थिती आहे. अशीच एक घटना नाशिकच्या देवळाली गावात घडली आहे. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

सलूनमध्ये केस कापण्यासाठी बसलेल्या तरुणांवर टोळक्याने कोयत्याने हल्ला केला आहे. तीन-चार हल्लेखोरांनी तरुणांवर कोयत्याने सपासप वार केले. या घटनेत तरुण गंभीर जखमी आहे. हा सगळा थरारक प्रकार सीसीटीव्ही कॅमेऱ्यात कैद झाला आहे. अमन शेख अस जखमी झालेल्या युवकाचे नाव आहे. (Nashik Crime News)

व्हिडीओत दिसत आहे त्यानुसार, अमन सलूनमध्ये केस कापण्यासाठी बसला आहे. कटिंगला बसलेल्या या युवकावर टोळक्याने दुकानात घुसून काही कळाच्या आधीच कोयत्याने हल्ला चढवला.

तीन-चार जण युवकावर जोरदार हल्ला करत असताना जीव वाचवण्यासाठी तो खाली बसला. तरीही हल्लोखोरांनी त्याच्यावर कोयत्याने हल्ले सुरु ठेवले. काही वेळात हल्लेखोर पळून जातात. हल्ल्यात संबंधित युवक गंभीर जखमी झाला आहे.

पुढील उपचारासाठी युवकाला रुग्णालयात दाखल करण्यात आले आहे. जुन्या भांडणाच्या वादातून हा हल्ला केला असल्याची माहिती समोर आली आहे.