Caste Certificate Case : भाजप खासदार डॉ. जयसिद्धेश्वर शिवाचार्य महास्वामी (mp dr jaisiddeshwar shivacharya mahaswami) यांच्या जातीचा दाखल्याबाबतचे सुनावणी आता पुढे गेली आहे. ऑगस्ट महिन्याच्या तिस-या आठवड्यात ही सुनावणी हाेईल. (Maharashtra News)

सोलापूर लोकसभा मतदारसंघ (solapur lok sabha constituency) अनुसूचित जातीसाठी राखीव आहे. खासदार डॉ. जयसिद्धेश्वर यांनी निवडणुकीसाठी बेडा जंगम जातीचा दाखला सादर केला होता. हा दाखला बोगस असल्याची तक्रार प्रमोद गायकवाड, मिलिंद मुळे, विनायक कंडकुरे यांनी केली होती.

त्यानंतर विभागीय जात पडताळणी समितीने चौकशी करून हा दाखला रद्द केला. त्यावर सुनावणी हाेऊन अक्कलकोटच्या (akkalkot) तहसीलदारांना खासदारांचा जातीचा दाखला रद्द करण्याचे आदेशही दिले. त्यास खासदारांच्या वतीने उच्च न्यायालयात दाद मागण्यात आली

न्यायमूर्तीनी विभागीय समितीचा दाखला रद्दचा निर्णय रद्द ठरविला. विभागीय समितीने या प्रकरणात पुन्हा चौकशी करावी. सहा महिन्यांच्या आत यासंदर्भात निर्णय घ्यावा असे आदेश दिल्याचे वकील महेश स्वामी यांनी नमूद केले.

दरम्यान या प्रकरणाची सुनावणी आता पुढे गेली आहे. येत्या 17 ऑगस्टला पुढील सुनावणी हाेणार आहे.

Edited By : Siddharth Latkar