नांदेड : नांदेडमध्ये (Nanded) हैदराबादचे आमदार राजा भैय्या ठाकूर यांच्याविरोधात गुन्हा दाखल करण्यात आला आहे. नांदेडमध्ये अजमेर येथील धर्म गुरुंबद्दल अपशब्द बोलण्याप्रकरणी त्यांच्याविरोधात गुन्हा दाखल केला. हैदराबादमध्ये आमदार राजा भैय्या ठाकूर हे एमआयएमचे खासदार असदुद्दीन ओवैसी यांचे कट्टर विरोधक म्हणून ओळखले जातात.

आमदार ठाकूर यांच्यावर धार्मिक भावना भडकवल्या प्रकरणी गुन्हा दाखल करण्यात आला आहे. एमआयएमचे नेते सय्यद मोईन यांनी या संदर्भात तक्रार दिली आहे. या तक्रारीवरुन इतवारा पोलीस (Police) ठाण्यात गुन्हा दाखल केला आहे.

या प्रकरणी आमदार राजा भैय्या ठाकूर यांच्यावर कारवाई करण्याच्या मागणीसाठी एमआयएमचे एक शिष्टमंडळाने आज इतवारा पोलीस ठाण्याचे पोलीस निरीक्षक भगवान धबडगे यांची भेट घेतली आहे.