सांगली : सांगली जिल्ह्यातील आटपाडी येथे रविवारी आमदार गोपीचंद पडळकर गट आणि शिवसेना- राष्ट्रवादीच्या गटात हाणामारी झाली हाेती. या राडा प्रकरणी दोन्ही गटाने परस्परविरोधी तक्रारी दाखल केल्या हाेत्या. त्यानुसार दोन्ही गटातील दहा जणांवर गुन्हे दाखल करण्यात आले आहेत. gopichand padalkar ncp shivsena bjp fighting sangli marathi news

ही मारामारी आटपाडी येथील साठे चौकात रविवारी झाली हाेती. त्यामुळे तेथे तणावाचे वातावरण निर्माण झाले हाेते. यावेळी गोपीचंद पडळकर यांनी अंगावर गाडी घातल्याचा आरोप राष्ट्रवादी युवक काँग्रेस प्रदेश सरचिटणीस यांनी केला हाेता.

दोन्ही गटाकडून मारामारी आणि जीवे मारण्याच्या तक्रारीनंतर गुन्हा दाखल करण्यात आला आहे अशी माहिती डीवायएसपी कदम यांनी दिली. यामध्ये आमदार गोपीचंद पडळकर यांच्यावरही आटपाडी पोलिस ठाण्यात गुन्हा दाखल झाला आहे. दुसऱ्या गटातील आठ जणांवर गुन्हे दाखल करण्यात आले आहेत.

edited by : siddharth latkar