जितेश कोळी

Ratnagiri News: मुंबई-गोवा महामार्गावर 'बर्निंग कार'चा थरार बघायला मिळाला. महामार्गावरील मोरवंडे मोदगेवाडी येथे मुंबईच्या दिशेने जाणाऱ्या कारनं अचानक पेट घेतला. या कारमधून पाच प्रवासी प्रवास करत होते. प्रसंगावधान राखून ते कारच्या बाहेर पडल्याने मोठा अनर्थ टळला.

मुंबई-गोवा महामार्गावर (Mumbai-Goa Highway) अंगाचा थरकाप उडवणारी ही घटना घडली. मोरवंडे मोदगेवाडी येथे मुंबईच्या दिशेने जाणाऱ्या कारने अचानक पेट घेतला. सुदैवाने या दुर्घटनेत कोणालाही इजा झाली नाही. (Latest Marathi News)

कारच्या बोनेटमधून अचानक धूर निघू लागला. ही बाब कारचालकाच्या लक्षात आली. त्यानं तात्काळ कार रस्त्याच्या कडेला थांबवली. चालकानं बोनेट उघडले. काही क्षणांतच कारने अचानक पेट घेतला. (Car Fire)

VIDEO पाहा!

कारने पेट घेताच प्रसंगावधान राखत आतमध्ये बसलेले पाचही प्रवासी तात्काळ उतरले. त्यामुळे मोठा अनर्थ टळला. या घटनेची माहिती मिळताच खेड नगर परिषदेच्या अग्निशमन दलाच्या जवानांनी घटनास्थळी धाव घेतली.

कारला लागलेली आग त्यांनी आटोक्यात आणली. या दुर्घटनेत कोणालाही दुखापत झाली नाही. कार मात्र पूर्णपणे जाळून खाक झाली आहे. अग्निशमन दलाचे जवान दीपक देवळेकर यांनी आपल्या सहकाऱ्यांसह घटनास्थळी मदतकार्य केले.