E-Bus Ticket:

बसने प्रवास करणाऱ्या प्रवाशांसाठी एक आनंदाची आणि दिलासादायक बातमी समोर आली आहे. राज्य परिवहन महामंडळाच्या ताफ्यात नव्याने इलेक्ट्रिक बस (E-Buses) दाखल होणार आहेत. या नव्या बसच्या तिकीटांच्या किंमती कमी असतील असं म्हटलं जातंय. एसटी महामंडळाकडून याबाबत हलचाली सुरू करण्यात आल्या आहेत. (Latest Marathi News)

समितीची स्थापना

ई बसच्या तिकीटांच्या किंमतींबाबत राज्य सरकारकडून एक समिती स्थापन करण्यात आली आहे. या समितीमध्ये तिकीटांच्या दरांबाबत चर्चा करण्यात येणार आहे. दिवसेंदिवस पेट्रोल-डिझेलच्या वाढत्या किंमती लक्षात घेता शासनाने ई-बससेवा सुरू केली आहे. यामध्ये आणखीन नव्या ई बसची सेवा उपब्ध होणार आहे.

पेट्रोल-डिझेलच्या किंमतींसह वाहनांमधील धूराच्या समस्यांमुळे नागरिकांना अनेक त्रासांचा सामना करावा लागतोय. खोकला, त्वचेचे आजार अशा विविध समस्या जाणवत आहेत. जास्तीत जास्त ई-बस सेवेत आल्यास समस्या आटोक्यात आणण्यास मदत होईल.

मुंबई आणि नवी मुंबईमध्ये काही प्रमाणात ई-बससेवा सुरू झाली आहे. यासह काही ठिकाणी एसीबस देखील उपलब्ध आहे. प्रशासनाने ई-बसच्या तिकीटांच्या किंमती कमी केल्यास सर्वसामान्यांना दिलासा मिळणार आहे.

विविध गोष्टींवर आकारण्यात येणाऱ्या टॅक्समुळे राज्यात महागाईचा भडका उडाला आहे. भाजीपाल्यासह अन्नधान्याच्या किंमतीत वाढ होतेय. अशा स्थितीत नागरिकांना बसमधील तिकीटांचे दर कमी झाल्याने दिलासा मिळेल.