नागपूर - दुग्ध व पशुसंवर्धन मंत्री सुनील केदार (Sunil Kedar) यांनी नागपूर (Nagpur) जिल्ह्यातील तेलगाव येथे आयोजित करण्यात आलेल्या बैलगाडी शर्यतीत बैलगाडी चालवण्याचा आनंद घेतला. कळमेश्वर तालुक्यात पहिल्यांदाच बैलगाडी शर्यतीवरील बंदी उठल्यानंतर बैलगाडी शैर्यातीचे आयोजन करण्यात आले होते. त्यामुळे शेतकऱ्यांमध्ये मोठा उत्साह पाहायला मिळाला. या शर्यतीत पश्चिम महाराष्ट्र व मराठवाडा येथील स्पर्धक सहभागी झाले होते. ग्रामीण भागात अशा स्पर्धेच्या आयोजनाने सामाजिक एकोपा राहतो व रोजगार निर्मिती मध्ये देखील एक महत्वाची भूमिका या बैलगाडी शर्यती पार पाडतात असे मत दुग्ध व पशुसंवर्धन मंत्री सुनील केदार त्यांनी व्यक्त केले.