संजय जाधव

बुलडाणा:  जिल्ह्यातील हतेडी खुर्द व हतेडी बुद्रुक या दोन गावातील महिलांनी आज सकाळी अवैध दारू बंद करावी यासाठी गावातील दारू विक्रेत्यांना घरी जाऊन तंबी दिली आहे. यावेळी गावातील अवैध दारू विक्री बंद करण्यासाठी महिला एकवटल्या असल्याचं पाहायला मिळालं. शेवट झाल्यावर गावातील अवैध दारू बंद न केल्यास लोकशाही मार्गाने रस्ता रोको आंदोलन करण्याचा इशाराही यावेळी महिलांनी दिला आहे.

गावात मोठ्या प्रमाणात अवैध दारू विक्री वाढल्याने गावातील अनेक कुटुंबात वाद होतात तर दारुड्यांचे संस्कार लहान मुलांवर पडतात, यामुळे गावातील अनेक लहान शाळकरी मुले सुद्धा दारूच्या व्यसनाधीन झालीत… यामुळे अनेकदा पोलिसात तक्रार ही केल्या आहेत.