बुलढाणा : बुलढाणा जिल्ह्याच्या मेहकर शहरात चोरट्यानी सराफा दुकान फोडले आहे. या दुकानातून चोरट्यानी सुमारे १३ लाख रुपयांचे सोने चांदीचे दागिने लांबवीले आहेत. दुकानात चोरी करताना चोरटे सीसीटीव्ही कॅमेरात डाईड झाले आहेत.  

बुलढाणा (Buldhana) जिल्ह्यातील मेहकर शहरात सराफ व्यावसायिक कैलास धानुका यांचे मथुरा ज्वेलर्स या दुकानात रात्रीच्या वेळी चोरी झाली आहे. चोरट्यांनी दुकानाचे शटर तोडून दुकानात चोरी केली असल्याचे समोर आले आहे. या सराफा दुकानातून चोरट्यांनी १३ लाखांचे दागिने लंपास केले असून चोरट्यांची ही चोरी दुकानातील सीसीटीव्ही (CCTV) कॅमेरामध्ये कैद झाले आहेत. सायंकाळी दुकान मालक कैलास धाणुका यांनी दुकान बंद करून घरी गेले होते. दुकान बंद झाल्यानंतर चोरट्यानी हा डाव साधला आहे. 

दरम्यान आज सकाळीच ओळखीच्या व्यक्तीने सराफ व्यावसायिक धानुका यांना फोन आला की दुकानाचे शटर उघडे आहे. कैलास यांनी दुकानात जाऊन पाहिले असता दुकानात (Theft) चोरी झाल्याचे समजले. यावेळी त्यांनी पोलिसांत तक्रार दिली असून अज्ञात चोरट्याविरुद्ध गुन्हा दाखल केला असून सीसीटीव्हीच्या आधारे पोलीस या चोरट्यांचा शोध घेत आहे. मात्र या घटनेमुळे सराफा व्यावसायिक मध्ये भीतीचे वातावरण पसरले आहे.