संजय जाधव, प्रतिनिधी...
Buldhana News: काही दिवसांपूर्वी शिंदे गटाचे पाचोरा येथील आमदार किशोर पाटील यांनी एका पत्रकाराला शिवीगाळ केली होती. ज्यावरुन जोरदार टीकाही झाली. हे प्रकरण ताजे असतानाच शिवसेना शिंदे गटाचे मेहकरचे आमदार संजय रायमुलकर यांनी ग्रामपंचायत सदस्याला शिवीगाळ केल्याची ऑडिओ क्लिप व्हायरल होत आहे.
याबाबत अधिक माहिती अशी की, येत्या काही दिवसात बुलढाणा जिल्ह्यातील मेहकर येथे शासन आपल्या दारी हा कार्यक्रम होणार आहे. या कार्यक्रमाला उपस्थित राहण्यासाठी मेहकर तालुक्यातील साब्रा येथील गजानन वानखेडे या ग्रामपंचायत सदस्यान आमदार डॉ.संजय रायमुलकर यांना कार्यक्रमाची पास मागण्यासाठी फोन केला होता.
मात्र अनेकदा फोन केल्याने शिंदे गटाचे मेहकरचे आमदार संजय रायमुलकर हे चिडले आणि त्यांनी थेट या ग्रामपंचायत सदस्याला अश्लील शिवीगाळ केल्याचा एक कॉल रेकॉर्ड सध्या जिल्हाभरात व्हायरल होत आहे. यामुळे जिल्ह्यात एकच खळबळ उडली आहे.
या प्रकरणावर आमदार संजय रायामुलकर काय प्रतिक्रिया देतात याकडे लक्ष लागले आहे. यापूर्वी सुद्धा आमदार रायमुलकर यांचे काही लोकांना शिवीगाळ केल्याचे ऑडियो व्हिडीओ व्हायरल झालेलं होते. तसेच 4, 5 दिवसापूर्वी शिंदे गटाचे पाचोरा येथील आमदार किशोर पाटील यांनी एका पत्रकाराला सुद्धा शिवीगाळ केली होती. त्यामुळे शिंदेगटातील आमदारांची दादागिरी सुरूच असल्याच्या प्रतिक्रिया उमटत आहेत. (Latest Marathi News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.