बुलढाणा : जळगाव जामोद तालुक्यातील आसलगाव ग्रामपंचायत हद्दीतील टाकळी खाती येथील (Farmer) शेतकरी अशोक दांडगे यांचे गावानजीक बागायती शेती आहे. यांच्या खाजगी मालकीच्या शेतातून ग्रामपंचायत प्रशासनाने त्यांना कोणत्या प्रकारची नोटीस न देता किंवा त्यांची संमती न घेता आवश्यक (Buldhana) नसणारा रस्त्याच्या कामाला सुरुवात केली आहे. (Latest Marathi News)

जळगाव (Jalgaon) जामोद तालुक्यातील आसलगाव ग्रामपंचायत हद्दीत अनेक प्रभागात रस्ता व नाल्याची सुविधा नाही. मात्र टाकळी खाती येथे नव्याने निर्माण होणारा रस्ता हा आवश्यक नसताना फक्त ग्रामपंचायत (Gram Panchayat) सदस्य यांनी काबीज केलेल्या गावरान जमिनीकडे त्यांना जाण्याकरिता केले जात आहे. याच उद्देशाने सदर रस्त्याचे कामकाज सुरू केले असल्याचा आरोप पीडित शेतकऱ्याने केला आहे. विशेष म्हणजे यासाठी कोणत्याही प्रकारची परवानगी किंवा शेतकऱ्याचे याबाबत माहिती देण्यात आली नाही. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

तर उपोषण करणार 
रस्ता खोदकाम केल्याने शेतकऱ्याचे झालेले नुकसान ग्रामपंचायत प्रशासनाने त्यांना त्वरित द्यावे; तसेच पुढील काम थांबवण्यात यावे अशी मागणी शेतकऱ्यांनी केली आहे. योग्य न्याय न मिळाल्यास लोकशाही मार्गाने उपोषण करण्याचा इशारा शेतकऱ्याने दिला आहे.