बुलढाणा : गावांमध्ये जाऊन नकली सोन्याचे गाडीने विक्री करून फसवणूक करणाऱ्या टोळीतील दोघांना खामगाव पोलिसांनी ताब्यात घेतले आहे. पोलिसांनी त्यांच्याकडून साधारण पाच रुपयांचा मुद्देमाल देखील हस्तगत केला आहे. या दोघांची अधिक चौकशी सुरु असून आणखी काही गुन्ह्याची उकल होण्याची शक्यता आहे. 

बुलढाण्याच्या (Buldhana News) खामगाव शहरामध्ये पोलीस कर्मचारी रात्री पेट्रोलिंग करत असताना एटीएम समोर दोन व्यक्ती संशयित रित्या उभे असल्याचे आढळून आले. यामुळे पोलिसांनी त्यांची चौकशी करत त्यांची तपासणी केली असता त्यांच्याकडे नकली सोन्याची काही दागिने आढळून आले. यानंतर (Police) पोलिसांनी दोघांनाही ताब्यात घेत त्यांची चौकशी केली असता काही गुन्ह्याची कबुली दिली आहे.  

गुजरात, राजस्थानमध्ये गुन्हे दाखल 

दरम्यान हे दोन्ही आरोपी राजस्थानमधील असून त्यांच्यावर गुजरात, राजस्थान राज्यामध्ये विविध प्रकारचे गुन्हे दाखल असल्याचे तपासात समोर आले आहे. तर हे सराईत गुन्हेगार असून पोलिसांनी त्यांच्याकडून नकली सोने चांदीचे दागिने, रोख रक्कम, विविध बँकेचे एटीएम कार्ड असा एकूण पाच लाख रुपयांचा मुद्देमाल जप्त करत त्यांना अटक केली आहे.