बुलढाणा : धाड येथुन जवळच असलेल्या ढालसावंगी येथे एका शेतकऱ्याच्या शेतामधील जनावरांच्या गोठ्याला भिषण आग लागल्याची घटना घडली आहे. या आगीत गाय, बैल व कोंबड्यासह शेती साहित्य जळुन खाक झाले आहे. यात शेतकऱ्याचे सुमारे साडेपाच लाख रुपयांचे नुकसान झाले आहे. 

बुलढाणा जिल्ह्यातील ढालसावंगी येथील शेतकरी शिवाजी तुळशीराम खारडे यांचे पाच लाख ४९ हजार रुपयांचे नुकसान झाले. हि घटना मध्यरात्रीच्या सुमारास घडली आहे. ढालसावंगी येथील शेतकरी शिवाजी तुळशीराम खारडे यांची ढालसांगवी शिवारमध्ये गट नं २७ मध्ये शेती आहे. शेतामध्येच त्यांचा गोठा असून या गोठ्यात जनावरे बांधलेली असतात. दरम्यान मध्यरात्री गोठ्यास अचानक आग लागली. आग विझविण्यासाठी तात्काळ मदत न मिळाल्याने गोठा पूर्णपणे जाळून खाक झाला. 

पशुधनासह शेतीचे अवजारे जळाले   

शिवाय गोठ्यात बांधलेले एक बैल, एक गीर गाय, गोऱ्हा तसेच शंभर कोबंड्या यांचा आगीमध्ये मृत्यू झाला आहे. यासोबतच फवारणी पंप स्प्रीकंलर संच, दोन मीनी स्प्रीकंलर ठिबक संच, चार्चींग पंप, पेरणी यंत्र, टिनपत्रे व ईतर शेती अवजारे जळुन खाक झाले आहेत. असे साधारण शेतकऱ्याचे पाच लाख ४९ हजार रुपयांचे नुकसान झाले आहे. तलाठी कानडजे यांनी पंचनामा केला असुन शेतकऱ्यास नुकसान भरपाई देण्याची मागणी होत आहे. 

कारखान्याच्या आगीत १२ लाखांचे नुकसान
सोलापूरच्या बार्शी शहरातील साईराणानगर परिसरात स्क्रॅप व्यवसायिक अमर राम गजघाटे यांच्या कारखान्याला भीषण आग लागली. प्राथमिक अंदाजानुसार एमएसईबीच्या तारा तुटून पडल्यामुळे शॉर्ट सर्किट झाल्याने आग लागल्याचा अंदाज आहे. यामुळे कारखान्यातील ग्रॅंडिंग मशीन, मोटर, वजनकाटा आणि सुमारे ३२ टन प्लास्टिक साहित्य जळून खाक झाले असून यात एकूण १२ लाख रुपयांचे नुकसान झाले.