बुलढाणा : बुलढाणा जिल्ह्यातील सिंदखेडराजा ते शेगाव या भक्ती महामार्गाला शेतकऱ्यांचा विरोध कायम आहे. सदरचा महामार्ग विरोधात आता शेतकऱ्यांनी आंदोलन पेटवल आहे. महामार्ग रद्द करण्याच्या मागणीसाठी शेतकऱ्यांनी आंदोलन उभारले असून आज शेतकऱ्यांनी टॉवरवर चढून आंदोलन केले. यावेलो जोरदार घोषणाबाजी देखील केली.  

सिंदखेडराजा ते शेगाव (Shegaon) हा भक्ती महामार्ग करण्यास शेतकऱ्यांचा विरोध आहे. शेतकऱ्यांना विश्वासात घेतल्याशिवाय हा महामार्ग होणार नाही; असं मुख्यमंत्र्यांनी सभागृहात स्पष्ट केलं होते. मात्र हा महामार्ग तयार करण्याच्या हालचालींना आता वेग आला आहे. त्यामुळे महामार्ग तयार करण्यासाठी शेतकऱ्यांच्या जमिनी जात आहेत. यामुळे बाधित शेतकऱ्यांनी आंदोलन सुरू केले आहे. (Buldhana) बुलढाणा जिल्ह्यातील शेतकऱ्यांनी आज आक्रमक भूमिका घेत आंदोलन छेडले आहे. 

सदरचा भक्ती महामार्ग रद्द झाला पाहिजे. या मागणीसाठी आज बुलढाणा जिल्ह्यातील चिखली तालुक्यातील करतवाडी या गावात (Farmer) शेतकऱ्यांनी टावर वर चढून आंदोलन सुरू केले आहे .जमीन आमच्या हक्काची नाही कुणाच्या बापाची.. महामार्गासाठी जमिनी देणार नाही; अशी जोरदार घोषणाबाजी शेतकरी टावर वर चढून करत आहेत.