बुलढाणा : ग्रामसेवक (Gramsevak) असणाऱ्या एका ३५ वर्षीय विवाहित महिलेने घरातील पंख्याला साडीने गळफास घेऊन आत्महत्या (Suicide) केली. ही धक्कादायक घटना बुलढाणा (Buldhana) शहरातील सुंदरखेड भागातील तार कॉलनीत घडली आहे. अपेक्षा प्रवीण कंकाळ (रा. तार कॉलनी, सुंदरखेड,बुलढाणा) असे आत्महत्या केलेल्या विवाहितेचे नाव आहे. (Buldhana Gramsevak Suicide)

हे देखील पहा :

अपेक्षा यांचे पती प्रवीण कंकाळ हे लघुसिंचन विभागात नोकरीला आहेत. आज सकाळी त्यांचे पती प्रवीण हे कामावर निघून गेले. घटनेवेळी मोठा मुलगा घरातच होता. दरम्यान, "माझे डोके दुखत आहे" असे सांगून अपेक्षा या घरातील मागील खोलीत निघून गेल्या. काही वेळाने मुलगा त्या खोलीत गेला असता त्याला आपल्या आईने गळफास घेतला असल्याचे दिसून आले.

भांबावलेल्या मुलाने वडिलांना फोन करून घटनेची माहिती दिली. प्रवीण कंकाळ तातडीने घरी आले आणि अपेक्षा यांना बुलढाणा जिल्हा रुग्णालयात आणले. वैद्यकीय अधिकारी डॉ. सुषमा हेलगे यांनी त्यांना उपचारापूर्वीच मृत घोषित केले. दरम्यान, अपेक्षा यांच्या आत्महत्येने परिसरात हळहळ व्यक्त केली जात असून अपेक्षा यांच्या पश्चात २ मुले व त्यांचे पती प्रवीण हे आहेत.

Edited By : Krushnarav Sathe