बुलढाणा : जिल्‍ह्यातील अनेक भागात अवकाळी पाऊस सुरू आहे. या पावसात रस्‍त्‍याने भरधाव वेगाने आलेल्‍या कंटनरला वाचविण्याच्‍या प्रयत्‍ना बसला अपघात झाला. बस रस्‍त्‍याच्‍या खाली उतरून झाडाला जोरदार धडक दिली. चालकाच्‍या प्रसंगावधानाने प्रवाशांचा जीव वाचला आहे. (Live Marathi News)

बुलढाणा जिल्ह्यात बुधवारपासून अवकाळी वादळी पाऊस सुरु असून अनेक ठिकाणी घरावरील छप्पर उडाली असून काही ठिकाणी प्रचंड गारपीट झाली आहे. त्यामुळे शेतकऱ्याच्या शेतातील कांदा पपई फळबागा च मोठ नुकसान झाले आहे. या दरम्‍यान पावसामुळे समोरून येत असलेले कंटेनर न दिसल्‍याने बस रस्‍त्‍याच्‍या खाली उतरून झाडाला धडक दिली. (Maharashtra Breaking News)

१९ प्रवाशी जखमी

बुलढाणावरून मेहेकरकडे एसटी बस जाताना येळगाव नजीक एक कंटेनर ट्रक सरळ येत असल्याचे पाहून ताब्यात असलेली एसटी चालकाने रस्त्याच्या कडेला बस उतरवली. यात १९ प्रवासी जखमी झाले असून वाहकांचा हात फ्रॅक्चर झाला आहे. एसटीमध्ये ७० प्रवासी प्रवास करित होते. अपघाताची माहिती कळताच जखमीना तातडीने जिल्हा सामान्य रुग्णाल्यात उपचारार्थ भरती करण्यात आले आहे. या अपघातात सुदैवाने जीवितहानी झाली नाही. (Breaking Marathi News)