चंद्रपूर : चंद्रपूर जिल्ह्यातील ब्रम्हपुरी तालुक्यात वैनगंगेच्या शेजारी असलेल्या गावांमध्ये पुराचे पाणी अजूनही कायम आहे. गोसेखुर्द धरणातून होणाऱ्या महाविसर्गामुळे वैनगंगा नदीच्या पाणी पातळीत मोठी वाढ झाली आहे. त्यामुळे पिंपळगाव, लाडज, खरकाडा, पारडगाव या सारख्या अनेक गावांना आणि या गावातील शेतीत पाण्याचा वेढा पडलाय. (Gadchiroli Rain Update)

रस्त्यावर, पुलांवर पाणी असल्याने ब्रम्हपुरी-गडचिरोली (gadchiroli) मार्गावरील वाहतूक बंद आहे. गेल्या 24 तासापासून जिल्ह्यात पाऊस नाही. मात्र गोसेखुर्दचा विसर्ग कमी झाल्यावरच पुराचे पाणी उतरणार आहे. किन्ही येथील विद्युत उपकेंद्र पाण्याखाली आले आहे.

पुराचे पाणी वाढल्यास या उपकेंद्राला जोडलेली गावे अंधारात जाण्याची शक्यता आहे. बेटाळा फाट्यावरील महाराष्ट्र इन्स्टीट्यूट ऑफ फार्मसी आणि तंत्रनिकेतन महाविद्यालय पाण्याखाली आले आहे. ब्रह्मपुरीत तालुक्यातील नदी काठालगत असलेल्या शेतांमध्ये पाणी शिरल्याने शेकडो हेक्टरवरील पिकांना फटका बसलाय.

Edited By : Siddharth Latkar