पालघर - जिल्ह्यात लसीकरणाचा सुरू असलेला काळाबाजार शिवसेनेचे बोईसर विधानसभा संघटक नीलम संखे यांनी पुन्हा एकदा उघड केला आहे. प्राथमिक आरोग्य केंद्रातील वैद्यकीय अधिकारी बोईसर तारापूर औद्योगिक क्षेत्रातील सियाराम या कंपनीत पैसे घेऊन लसीकरण होत होते. (Black market of covid vaccines exposed at Boisar in Palghar district)

हे देखील पहा -

याबद्दल माहिती मिळाल्यानंतर शिवसेनेच्या पदाधिकाऱ्यांनी या ठिकाणी दाखल होत हा प्रकार उघडकीस आणला आहे. या वैद्यकीय अधिकाऱ्याने लसीकरण करताना कंपनीतील कामगारांकडून प्रत्येकी डोस मागे अडीचशे रुपये घेतल्याचं कामगारांकडून सांगण्यात आलं आहे, तर शिवसेनेचे पदाधिकारी दाखल होताच काही कामगारांनी या कंपनीतून पळ काढला.

पालघर सारख्या ग्रामीण जिल्ह्यात आधीच लसीचा तुटवडा असताना वारंवार वैद्यकीय अधिकाऱ्यांकडून लसींचा केला जाणारा काळा बाजार वारंवार उघडकीस येतो. त्यामुळे यावर योग्य ती कार्यवाही करावी अशी मागणी नीलम संखे यांच्याकडून आरोग्य मंत्री राजेश टोपे यांच्याकडे निवेदनाद्वारे करण्यात आली आहे.

Edited By - Akshay Baisane