- विनायक वंजारे

Osargaon Toll Plaza News : मुंबई गोवा महामार्गावरील (mumbai goa highway) ओसरगाव टोल नाक्यावर (Osargaon Toll Naka) येथे आजपासून (बुधवार) टोल वसुली सुरू करण्यात आली होती. दाेन तासाच्या वसूलीनंतर काही तांत्रिक कारणामुळे टोल व्यवस्थापनामुळे टाेल वसुली बंद केली. दरम्यान राजकीय दबावामुळे व्यवस्थापनाने टाेल वसूली बंद केली अशी चर्चा सिंधुदुर्ग जिल्ह्यात रंगली आहे. (Maharashtra News)

सिंधुदुर्ग जिल्ह्यातील ओसरगाव टोल नाक्यावरील टोल वसुली बाबत राजकीय नेत्यांचा विराेध हाेता. परंतु येथील स्थानिक राजकीय नेते तसेच जिल्हावासीयांचा विरोध डावलून आजपासून टोल वसूली सुरू करण्यात आली. सिंधुदुर्ग पासिंगच्या गाड्यांना टोल माफी मिळावी अशी मागणी सिंधुदुर्ग जिल्हावासीयांनी केली आहे. मात्र सिंधुदुर्ग जिल्हावासीयांच्या मागण्यांकडे लक्ष न देता या टोल वसुलीला पोलीस बंदोबस्तासह सुरुवात करण्यात आली होती.

तांत्रिक कारणास्तव टाेल वसूली बंद

आज सकाळी आठ वाजल्यापासून वाहनधारकांकडून टाेल घेतला जात हाेता. दहा वाजता टाेल वसुली तांत्रिक कारणास्तव बंद केल्याची माहिती व्यवस्थापनाने दिली.

टाेल वसूलीस राणेंचा विराेध

सिंधुदुर्ग जिल्ह्यातील ओसरगाव टोल नाक्यावरील टोल वसुली हाेऊ देणार नाही अशी ठाम भूमिका आमदार नितेश राणे (mla nitesh rane) यांनी मांडली. ते म्हणाले 100 टक्के नुकसान भरपाई, जिल्हावासीयांना टोल माफी आणि आवश्यक सुविधा जो पर्यंत मिळत नाहीत तोपर्यंत टोल वसुली करू देणार नाही. त्यासोबत केंद्र सरकार व संबंधित अधिकाऱ्यांशी आपण बोललो असल्याचेही नितेश राणे यांनी सांगितले.

रत्नागिरीचा बंद अन्...

ठाकरे गटाचे आमदार वैभव नाईक (mla vaibhav naik) यांनी देखील टाेल वसूलीला विराेध दर्शविला आहे. ते म्हणाले शासनाच्या माध्यमातून ही अरेरावी सुरू आहे. रत्नागिरीचा टोल एकीकडे बंद असताना सिंधुदुर्गातील टोल पुन्हा पुन्हा सुरू करण्याचा प्रयत्न केला जात आहे. मात्र त्याला आमचा प्रखर विरोध राहील असेही नाईक यांनी स्पष्ट केले.

Edited By : Siddharth Latkar