Nagpur News : आगामी लोकसभा, विधानसभा आणि महापालिकांच्या निवडणुकांच्या पार्श्वभूमीवर सर्वच पक्षांची कंबर कसली आहे. सर्वच राजकीय पक्ष आपली ताकद वाढवण्यासाठी आणि पक्ष बांधणीसाठी वेगाने हालचाली करत आहे. भाजप देखील प्रदेश भाजपच्या जिल्हा स्तरावर मोठे फेरबदल करण्याच्या तयारीत असल्याचं बोललं जात आहे.

जिल्हाध्यक्ष बदलले जाणार

राज्यातील भाजपचे ८० टक्क्यांपेक्षा जास्त जिल्हाध्यक्ष बदलले जाणार असल्याची माहिती समोर येत आहे. तसेच राज्यातील २५ पेक्षा जास्त जिल्ह्यांमध्ये भाजप नवीन अध्यक्ष नेमले जाणार आहेत. जिल्हाध्यक्षांचे फेरबदल आणि संघटनात्मक बदलासाठी भाजपची आज मुंबईत महत्त्वपूर्ण बैठक पार पडणार आहे.  (Maharashtra News)

प्रदेश भाजपच्या जिल्हा स्तरावरील बदलांबाबत चर्चा करण्यासाठी भाजप प्रदेशाध्यक्ष चंद्रशेखर बावनकुळे, उपमुख्यमंत्री देवेंद्र फडणवीस यांच्या उपस्थितीत भाजप कोअर ग्रुपची आज बैठक होणार आहे.

पक्षाचे 7 मंत्री उपस्थित राहणार

भाजप कोअर ग्रुपच्या बैठकीत पक्षाचे 7 मंत्री उपस्थित राहणार आहे. आगामी महानगरपालिका, लोकसभा आणि स्थानिक स्वराज्य संस्थांच्या निवडणुकीच्या पार्श्वभूमीवर ही बैठक होत आहे. त्यामुळे या बैठकीत भाकरी फिरण्याची शक्यता आहे.