सागर निकवाडे, नंदूरबार

BJP General Minister Vijay Chaudhary vehicle Accident :

भारतीय जनता पार्टीचे महाराष्ट्र प्रदेश महामंत्री विजय चौधरी यांच्या वाहनाला अपघात झालाय. धुळ्याहून नंदुरबारच्या दिशेने येताना चिमठाणा गावाजवळ हा अपघात झाला. वाळू वाहतूक करणाऱ्या डंपरने त्याच्या वाहनाने धडक दिली. सुदैवाने या अपघातात कोणालाच दुखापत झालेली नाहीये. विजय चौधरी आणि भाजपचे नंदुरबार जिल्हाध्यक्ष निलेश माळी यांच्यासह सुरक्षा रक्षक सुखरुप आहेत.

विजय चौधरी यांच्यावर नंदुरबार लोकसभा समन्वयकपदाची जबाबदारी देण्यात आलीय. दरम्यान भाजपच्या इतिहासात प्रथमच प्रदेश महामंत्रीपदासारखे महत्वाचे पद नंदुरबार सारख्या दुर्गम जिल्ह्याला लाभले आहे. या पदासाठी आधी राज्य स्तरावरून प्रदेशाध्यक्षांकडून शिफारस केली जाते. त्यानंतर केंद्रीय नेतृत्वाकडून १९ मुद्यांच्या स्तरावर त्या व्यक्तीचे कार्य तपासले जाते. त्यानंतरच योग्यतेनुसार हे सन्मानाचे पद दिले जाते.