Kavathe Mahankal Nagar Panchayat President Election News : सांगली जिल्ह्यातील कवठेमहांकाळ (kavathe mahankal nagar panchayat president election) नगर पंचायतीच्या नगराध्यक्ष पदी भाजपचे खासदार संजयकाका पाटील (MP (sanjaykaka patil) गटानं बाजी मारली आहे. या निवडणूकीतील पराभव हा सत्ताधारी राष्ट्रवादीचे नेते राेहित पाटील (rohit patil) यांना माेठा धक्का मानला जात आहे. (Sangli Latest Marathi News)

दहा महिन्यांपूर्वी झालेल्या सांगली जिल्ह्यातील कवठेमहांकाळ नगरपंचायतीची निवडणूक राज्यात लक्षवेधी ठरली होती. या निवडणुकीमध्ये राष्ट्रवादीचे युवा नेते रोहित पाटील यांनी बाजी मारली होती. तर भाजपचे खासदार संजयकाका पाटील आणि शिवसेनेचे नेते अजितराव घोरपडे यांच्या गटाला पराभवाचा धक्का बसला होता. (Breaking Marathi News)

या निवडणुकीत राष्ट्रवादी काँग्रेसने एकादी सत्ता मिळवली होती. मात्र दहाव्या महिन्यात खासदार संजय काका पाटील यांनी कवठेमहांकाळ नगरपंचायतीच्या नगराध्यक्षपदाच्या निवडणुकीत राष्ट्रवादीला धक्का दिला आहे.

आज नगराध्यक्ष पदाच्या निवडीत राष्ट्रवादीचे चार नगरसेवक फुटले. परिणामी खासदार संजयकाका पाटील गटाच्या सिंधुताई गावडे या विजयी झाल्या. संजयकाका गटाच्या सिंधुताई गावडे आणि रोहित पाटील गटाचे उमेदवार राहुल जगताप यांना प्रत्येकी आठ मतं मिळाली. (Maharashtra News)

त्यानंतर निवडणूक निर्णय अधिकारी यांनी चिठ्ठीवर मतदान घेतलं. यामध्ये संजय काका पाटील गटाच्या सिंधुताई गावडे या विजयी झाल्या. कवठेमहांकाळ नगरपंचायतीत राष्ट्रवादीचे (ncp) बहुमत असून सुद्धा खासदार संजयकाका पाटील गटाच्या सिंधुताई गावडे नगराध्यक्ष पदी विराजमान झाल्यानं राष्ट्रवादीचे युवा नेते रोहित पाटील (rohit patil) यांना हा मोठा धक्का मानला जात आहे.

Edited By : Siddharth Latkar