- सागर निकवाडे

Kite Festival In Nandurbar :

मकर संक्रांतीच्या (makar sankranti) पर्वात पतंग (kite) उडविण्यासाठी नागरिक अनेकदा घातक अशा नायलॉन अथवा चायना मांजा यांचा वापर करतात. या धाग्यामुळे मोठ्या प्रमाणात आकाशात उडणाऱ्या पक्ष्यांना इजा होते. काहीवेळा तर पक्ष्यांना आपला जीव देखील गमवावा लागतो. हे लक्षात घेऊन नंदुरबार जिल्ह्यातील तळोदा (taloda) शहरात सहयोग सोशल ग्रुप यांच्याद्वारे दरवर्षी मकर संक्रांतीच्या पर्वात मोफत पक्षी चिकित्सालय हा अनोखा उपक्रम राबविला जातो. यंदा देखील उपक्रम राबविण्यात आला आहे. (Maharashtra News)

सहयोग सोशल ग्रुप तर्फे पक्षी वाचवा पर्यावरण टिकवा या अभियानाअंतर्गत नंदुरबार जिल्ह्यातील तळोदा शहरात पक्षीचिकित्सालय उघडण्यात आले आहे. हे तात्पुरत्या स्वरूपात पक्षी चिकित्सालय असले तरी हा अतिशय स्तुत्य उपक्रम असून पतंगोत्सवात जखमी पक्षांसाठी हा वरदान ठरणार आहे.

पतंग उडविताना युवकांनी पक्षी जखमी होणार नाही, कोणाला इजा होणार नाही यादृष्टीने खबरदारी घेतल्यास निश्चितच पक्षी जखमी होणार नाहीत. तसेच घातक अशा नायलॉन मांजाच्या कोणीही उपयोग करू नये असं आवाहन यावेळी करण्यात आले.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar