बीड - जिल्ह्यात दुचाकी चोरीचे Theft रॅकेट उघडकीस आले आहे. सिरसाळा पोलिसांनी Police या रॅकेटचा पर्दाफाश केला आहे. यावेळी दोन तरुण चोरट्यांना अटक करत, त्यांच्याकडून चोरीच्या तब्बल 24 दुचाकी जप्त करण्यात पोलिसांना यश आले आहे. सय्यद नोमान आणि अशोक गायकवाड असे अटक करण्यात आलेल्या आरोपींची नावे आहेत.

हे देखील पहा -

तर या दुचाकी परळी, माजलगांव, दिंदृड, वडवणी, पाथरी, गंगाखेड, उदगीर या ठिकाणावरून चोरी केल्याचे निष्पन्न झाले आहे. यातील दोन्ही आरोपींना न्यायालयाने 3 दिवसांची पोलीस कोठडी सुनावली आहे. तर या आरोपींकडून आणखी चोरीचे गुन्हे उघड होण्याची शक्यता सिरसाळा पोलिसांना व्यक्त केली आहे.

दरम्यान सिरसाळा पोलीसांनी जप्त केलेल्या 24 दुचाकीच्या चेसी व इंजिन नंबरसह यादी प्रसिद्ध केली. ज्यांची कोणाची असेल त्यांनी मूळ कागद पत्रासह सिरसाळा पोलीस ठाण्याशी संपर्क साधावा असे आवाहन पोलीस निरीक्षक प्रदिप एकशिंगे यांनी केले आहे.

Edited By - Shivani Tichkule