Pandharpur News : शिंदे गटाचे दोपोलीचे आमदार योगेश कदम आज पंढरपुरात विठ्ठल रुक्मिणी दर्शनासाठी आले होते. यावेळी त्यांनी पत्रकारांशी‌ संवाद साधला. यावेळी योगेश कदम म्हणाले की, आमच्यासाठी मातोश्री म्हणजे वंदनीय बाळासाहेब ठाकरे त्या पलीकडे आम्ही मातोश्रीला कधी बघितलंच नाही. बाळासाहेब आमच्यासाठी विठ्ठल आहेत. तर मातोश्री देवस्थान आहे. मरे पर्यंत ते आमच्यासाठी कायम देवस्थानच असेल अशा शब्दांत शिंदे गटाचे दोपोलीचे आमदार योगेश कदम यांनी आज आपली भावना व्यक्त केली.

विठ्ठलाच्या कृपेमुळे अपघातातून वाचलो. पुढचे आयुष्य जनतेच्या सेवेसाठी समर्पित केल्याचे आमदार कदम यांनी सांगितले. आज माघ वारीच्या निमित्ताने आमदार कदम विठ्ठल रुक्मिणी दर्शनासाठी पंढरपुरात (Pandharpur) आले होते.

दर्शनानंतर पत्रकारांशी‌ बोलताना बाळासाहेब ठाकरे हे आमचं दैवत असून मातोश्री देवस्थान असल्याचे सांगितले. आजही बाळासाहेबांचे विचार घेवून आम्ही समाजकारण आणि राजकारण करतो असे ते म्हणाले. यावेळी त्यांनी राजकीय टिप्पणी करणे कटाक्षाने टाळले.