सुनील कांबळे, साम टीव्ही, प्रतिनिधी
एक मोठी राजकीय बातमी समोर आली आहे. अजित पवार गटाचे पाच ते सहा आमदार हे शरद पवार गटाचे प्रदेशाध्यक्ष जयंत पाटील यांच्या भेटीला पोहोचले आहेत, अशी माहिती सूत्रांनी दिली आहे. विधानभवनातल्या एका खोलीमध्ये ही भेट झाल्याचं सूत्रांनी सांगितलं आहे. यातच विधानसभा निवडणुकीआधी राज्यात बऱ्याच मोठ्या घडामोडी घडताना दिसत आहेत.
जयंत पाटील यांनी अलीकडेच लोकसभेच्या निकालानंतर म्हटलं होतं की, काही लोक जे आमाला सोडून गेले आहेत. ते सोबत असते तर नक्कीच जागा वाढल्या असत्या, असं सूचक वक्तव्य केलं होतं. त्याच पार्श्वभूमीवर ही मोठी बातमी समोर आली आहे. सूत्रांनी दिलेल्या माहितीनुसार, जयंत पाटील यांची भेट घेणारे हे आमदार पश्चिम महाराष्ट्रातील आहेत.
सूत्रांनी दिलेल्या माहितीनुसार, अजित पवार गटाच्या आमदारांनी आज दुपरी जयंत पाटील यांची भेट घेतली होती. विधानभवनातल्या एका खोलीमध्ये जयंत पाटील बसले होते. त्याचवेळी अजित पवार गटाचे एक एक आमदारांनी त्यांची भेट घेतली.
नेमके कोण होते हे आमदार, याबाबत अद्याप माहिती उघड झालेली नाही. मात्र ज्यावेळी उद्या अर्थसंकल्प सादर होईल, त्यानंतर जे राजकीय समीकरण बदलतील, त्यावेळी हे आमदार शरद पवार गटात प्रवेश करू शकतात, असं सूत्रांनी सांगितलं.
सूत्रांनी सांगितलं की, गेल्या काही दिवसांपासून अशी चर्चा होती की, अजित पवार गटाच्या काही आमदारांकडून सातत्याने शरद पवार गटाच्या नेत्यांना संपर्क केला जात आहे. याच पार्श्वभूमीवर ही भेट झाल्याची माहिती समोर आली आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.