- सचिन बनसाेडे

Nagar News : नगर जिल्ह्यातील भंडारदरा धरण पूर्ण क्षमतेने भरले आहे. भंडारदरा धरणाने एकूण 11 हजार 39 दशलक्ष घनफूटाची पातळी गाठली आहे. याबाबतची माहिती भंडारदरा प्रकल्पाचे अभियंता अभिजीत देशमुख यांनी दिली. (Maharashtra News)

उत्तर नगर जिल्ह्याला वरदान ठरलेले भंडारदरा धरण अखेर पूर्ण क्षमतेने भरले आहे. यंदा पावसाच्या लहरी स्वभावाचा फटका लाभक्षेत्रासह धरणांच्या पाणलोटालाही बसला. ऑगस्टचा शेवटचा आठवडा उलटत असताना समाधानकारक पाणीसाठा असूनही जिल्ह्यातील एकही मोठे धरण अद्याप भरले नव्हते.

दरम्यान गेल्या 48 तासांपासून काही प्रमाणात वाढलेल्या पावसाने जिल्ह्यातील मोठ्या क्षमतेच्या तीन धरणांमध्ये सर्वप्रथम तुडूंब होण्याचा मान यंदाही भंडारदर्‍यालाच मिळाला आहे. भंडारदरा धरणाने आपली 11 हजार 39 दशलक्ष घनफूटाची पातळी गाठली आहे.

Edited By : Siddharth Latkar