भंडारा : राष्‍ट्रवादीत बंड करून भाजपसोबत सत्‍तेत गेलेल्‍या अजित पवार यांच्‍यासोबत असलेल्‍या प्रफुल पटेल यांच्या बालेकिल्ल्यात (NCP) राष्ट्रवादीत खिंडार पडली आहे. ‘मी साहेबांसोबत..’ असे म्हणत शरद पवार (Sharad Pawar) यांच्‍या निष्ठावंताची विश्रामगृहात बैठक घेत शरद पवारांसोबत राहण्याचा निर्णय घेतला आहे. (Live Marathi News)

प्रफुल पटेल यांच्या गोंदिया भंडारात मतदार संघात आपल्याकडे कुणी नाही ही बाब हेरून शरद पवार गटाकडून हालचाली सुरू झाल्या. अखेर त्यांना भंडारा जिल्ह्यातील एक माजी जिल्हा परिषद सदस्य किरण अतकरी गळाला लागले आणि त्यांच्या गावी आंधळगाव येथे शरद पवार गटातील प्रमुख लोकांची रात्री उशिरापर्यंत पहिली बैठक झाली. त्यात चला उठा जागे व्हा, मी साहेबांसोबत हे घोषवाक्य घेऊन आज भंडारा विश्रामगृहात एक मोठी बैठक आयोजित करण्यात आली होती.

बैठकीत ज्यांना शरद पवार यांच्‍यासोबत जायचं आहे; अशांना संपर्क करण्यात आलेला आहे. या बैठकीत भंडारा जिल्ह्यातील कार्यकर्त्यांची बैठक आयोजित करण्यात आली आहे. या बैठकीत शरद पवार यांना मानणाऱ्या राष्ट्रवादी काँग्रेस पार्टीचे कार्यकर्ते उपस्थित होते.