शुभम देशमुख 

भंडारा : नऊ दिवस नवरात्रोत्सव उत्साहात साजरा झाल्यानंतर आज दुर्गादेवीचे विसर्जन करण्यात येत आहे. परंतु या विसर्जनावेळी २३ वर्षीय युवकाचा तलावात बुडून (Death) मृत्यू झाल्याची घटना (Bhandara) भंडारा जिल्ह्याच्या लाखांदूर तालुक्यातील जैतपूर येथे घडली आहे. (Live Marathi News)

नवरात्रोत्सव उत्साहात साजरा झाल्यानंतर दसरा होऊन आज अकराव्या दिवशी दुर्गीत्सव मंडळांकडून दुर्गादेवीचे विसर्जन केले जात आहे. त्यानुसार भंडारा जिल्ह्यात देखील विसर्जन केले जात आहे. दरम्यान शारदा मातेच्या मूर्तीचे विसर्जन करताना २३ वर्षीय चेतन देवराम नागोसे (रा. जैतपुर) या तरुणाचा तलावात बुडून दुर्दैवी मृत्यू झाल्याची घटना आज दुपारच्या सुमारास घडली. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

पाण्याचा अंदाज न आल्याने बुडाला 

जैतपुर येथील शारदा उत्सव मंडळाच्यावतीने नवरात्रौत्सवात स्थापन केलेल्या शारदामातेच्या मुर्तीच्या विसर्जनासाठी गावाजवळील गावबोडी तलावात गेले होते. मंडळातील काही कार्यकर्ते तलावात उतरले असता खोल पाण्याचा अंदाज न आल्याने चेतन नागोसे या तरुणाचा मृत्यू झाला आहे. सदर घटनेची माहिती मिळताच दिघोरी- मोठी पोलिस स्टेशनला देण्यात आली आहे.