शुभम देशमुख

भंडारा : औषधी दुकानाच्या परवान्यासाठी २० हजार रूपयाची लाच (Bribe) मागणाऱ्या लाचखोर औषधी निरीक्षकास लाचलुचपत प्रतिबंधक विभागाच्या अधिकाऱ्यांनी रंगेहाथ पकडल्याची घटना भंडारा (Bhandara) येथे घडली. प्रशांत राजेंद्र रामटेके असे अटक करण्यात आलेल्या लोकसेवकाचे नाव आहे. (Maharashtra News)

कीर्ती मल्टिस्पेसिऍलिटी हॉस्पिटलमध्ये औषध दुकान सुरू करण्यासाठी तक्रारदार यांनी अन्न व औषध प्रशासन भंडारा यांचेकडे अर्ज दिला होता. तक्रारदार यांनी दाखल केलेल्या फार्मसीच्या परवान्‍याचे कागदपत्रामध्ये कुठल्याही प्रकारच्या त्रुट्या न काढल्यामुळे फार्मसीचे परवाना मंजूर झाला आहे. त्याचाच मोबदला म्हणून आलोसे यांनी तक्रारदार यांना २० हजार रुपयांची मागणी केली.

पडताळणी कारवाई दरम्यान पंचांसमक्ष तडजोडीअंती १५ हजार रुपये लाचेची मागणी केली. या दरम्‍यान लाच रक्कम स्विकारण्याची तयारी दर्शवली. लाच लुचपत विभागाने (ACB) सापळा रचत केलेल्‍या कारवाई दरम्यान पंचांसमक्ष त्यांनी १५ हजार रुपयाची रक्कम स्विकारताना आढळून आले. यानंतर त्‍यांना अटक केली.