शुभम देशमुख 

भंडारा : भंडारा जिल्ह्यातील सेलोटी गावात बैलगाडा शर्यतीचे आयोजन करण्यात आले आहे. या बैलाच्या शंकर पटाचा (Bhandara) आनंद घेत असताना गाफील राहणे एका वयोवृद्धाला चांगलेच महागात पडले आहे. स्पर्धे दरम्यान बिथरलेली बैलजोडी अचानक अंगावर आल्याने ७० वर्षीय वृद्ध गंभीर जखमी झाल्याची घटना घडली आहे. (Tajya Batmya)

भंडारा जिल्ह्याच्या लाखनी तालुक्यातील सेलोटी येथे ही घटना घडली आहे. (Bullock Cart Race) या घटनेत बिंदू गणवीर (वय ७०) असे जखमी वृद्धाचे नाव आहे. त्याच्यावर भंडारा जिल्हा सामान्य रुग्णालयात उपचार सुरू आहे. सेलोटी मानेगाव बेळा येथे १५ ते १६ जानेवारीला भव्य शंकर पटाचे आयोजन करण्यात आले होते. यादरम्यान वेगाने जाणारी बैलगाडीचे बैल बिथरले आणि प्रेक्षकांच्या गर्दीत बैल जोडी सकट घुसले. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

गर्दी पाहून बिथरलेली बैलजोडी कुठेही पडायला लागले. यात समोरून येणाऱ्या वेगवान बैल जोडी समोर बिंदू गणवीर आल्याने बैल जोडीने त्यांना उडविले. यात ते तीन फूट उंच हवेत फेकले जाऊन जमिनीवर जोरदार आपटले. यात ते गंभीर जखमी झाले आहे. या घटनेचा व्हिडिओ प्रचंड व्हायरल झाला असून जखमी व वृद्धाबाबत हळहळ व्यक्त केली जात आहे.