शुभम देशमुख 

भंडारा : रेती वाहतूक करत असलेल्या डंपर भरधाव वेगाने चालविल्या जातात. यामुळे अनेकांचे जीव (Bhandara) गेले आहेत. डंपर अनियंत्रित होऊन बसला मागून धडक दिली. या अपघातात (Accident) बसमध्ये बसलेले विद्यार्थी सुदैवाने बचावले आहेत. (Tajya Batmya)

गोबरवाहीहून रेती वाहतूक करणाऱ्या धावत्या टिप्परचे चाक पंक्चर झाले. यामुळे अनियंत्रित होऊन टिप्पर वळणावर तुमसरहून गोबरवाहीकडे जाणारी बसला मागच्या बाजूस धडक दिली. यात बसमधील विद्यार्थी व प्रवासी सुदैवाने थोडक्यात बचावले. सदर अपघात तुमसर शहरातील जुन्या बसस्थानकाजवळ घडला. या अपघातानंतर एकच धावपळ उडाली होती. या बसमध्ये शालेय व महाविद्यालयीन विद्यार्थ्यांची संख्या अधिक होती, असे सांगितले जात आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

स्पीड कमी असल्याने मोठा अनर्थ टळला 

रेतीने भरलेल्या टिप्परचे चाक पंक्चर झाल्यामुळे ट्रक अनियंत्रित झाला. दरम्यान, तुमसरवरून गोबरवाहीकडे प्रवासी व विद्यार्थी घेऊन जाणाऱ्या बसवर ट्रक मागच्या बाजूस धडकला. वळण रस्ता असल्याने दोन्ही वाहनांची गती कमी होती. यामुळे मोठा अपघात टळला आहे. बसमधील प्रवासी व विद्यार्थी सुदैवाने थोडक्यात बचावले.