शुभम देशमुख 
भंडारा : लॉजवर अवैधरित्या वेश्या व्यवसाय चालविला जात होता. याबाबत पोलिसांना माहिती मिळाल्यानंतर पोलिसांच्या पथकाने याठिकाणी छापेमारी करत वेश्या व्यवसायाचा पर्दाफाश केला आहे. भंडारा जिल्ह्यातील पवनी पोलिस ठाणे परिसरात वेश्याव्यवसाय रॅकेटचा पोलिसांनी पर्दाफाश करत पोलिसांनी दोन आरोपींना अटक केली आहे. यामुळे परिसरात खळबळ उडाली आहे. 

भंडारा जिल्हा पोलिसांच्या दहशतवाद विरोधी पथकाने सापळा रचून ही कारवाई केली आहे. पवनी पोलीस ठाणे परिसरात असलेल्या एका लॉजवर अवैधपणे वैश्य व्यवसाय चालविला जात होता. पोलिसांना मिळालेल्या माहितीवरून सापळा रचत हि कारवाई केली आहे. याठिकाणाहून अटक करण्यात आलेल्या दोघं आरोपींमध्ये अजय नागेश्वर (वय २६, बेलाटी, ता. लाखांदूर) आणि लॉज मालक व्यंकटेश बागडे (४४, साकोली) यांचा समावेश आहे.

अकोट शहरात देहविक्रीचा पर्दाफाश 

अकोला जिल्ह्यातील अकोट शहरात सुरु असलेल्या देहविक्री व्यवसायावर अकोला पोलिसांनी कारवाई केली. अकोट शहरातील मच्छी मार्केटमधील आठवडी बाजार परिसरात हा देह व्यवसाय सुरु होता. मिनाबाई पागृत ही महिला ताडपत्रीचे छोटे रूम उभारून देह व्यापाराचा व्यवसाय चालवत होती. या ठिकाणी पोलिसांनी छापेमारी करत कारवाई केली असता पाच महिला देहविक्री करताना दिसून आल्या. 

जिल्हा बाहेरून येत होत्या महिला 

जिल्हा बाहेरून महिला आणि तरुणांना आणून ग्राहकांना इथे उपलब्ध करून देण्यात येत होते. दरम्यान आज अकोला पोलिसांच्या स्थानिक पुणे शाखेने या ठिकाणी कारवाई करून हा संपूर्ण देह विक्रीचा व्यवसाय उघड केला. याठिकाणी पोलिसांनी दोन ग्राहकांसह पाच महिलांना ताब्यात घेत तरुणींची सुटका केली आहे. या प्रकारामुळे परिसरात खळबळ उडाली आहे.