बीड : बीड जिल्ह्यात विविध दोन ठिकाणी घडलेल्या घटनेत, 13 तासात 3 तरुणांचा पाण्यात बुडून मृत्यू झाला आहे. बीडच्या पाली येथील बिंदुसरा प्रकल्पाच्या सांडव्याच्या पाण्यात बुडून दोन तरुणांचा मृत्यू झाला आहे. तर गेवराई तालुक्यातील सुरळेगाव येथील गोदावरी नदीमध्ये, एका तरूणाचा बुडून मृत्यू झाला आहे.

हे देखील पहा :

ओंकार लक्ष्मण काळे (वय 16), शिव संतोष पिंगळे (वय 16) दोघेही रा. बीड व तान्हाजी लिंबाजी आरबड (वय 17) रा. सुरळेगाव ता. गेवराई असे त्या तिघांचे नावे आहेत. यातील ओंकार काळे आणि शिव पिंगळे हे दोघेही, पाली येथील बिंदुसरा प्रकल्पाच्या सांडव्यातील पाण्याच्या डोहात पोहण्यासाठी गेले होते.

यादरम्यान ते दोघेही पाण्यात बुडाले. ही घटना काल सायंकाळी सातच्या दरम्यान घडली. तर, गेवराई तालुक्यातील सुरळेगाव येथे सकाळी 8 च्या दरम्यान पोहण्यासाठी गेलेला, तानाजी आरबड या तरुणाचा देखील, गोदावरी नदीच्या डोहामध्ये बुडून मृत्यू झाला आहे. केवळ 13 तासांमध्ये घडलेल्या या घटनेने 3 तरुणांचा पाण्यात बुडून मृत्यू झाला असून या घटनेने जिल्ह्यात हळहळ व्यक्त केली जात आहे.

Edited By : Krushnarav Sathe