बीडमध्ये गुन्हेगारी घटनांमध्ये वाढ होत असल्याचं चित्र आहे. अशातच आणखी एका घटनेमुळे परिसरात खळबळ उडाली आहे. अंबाजोगाई शहरातील दरबार हॉटेलमध्ये एका क्रिमिनल रेकॉर्ड असलेल्या तरूणावर तीक्ष्ण हत्यानं वार करत संपवलं. या हल्ल्यात तरूणाचा जागीच मृत्यू झाला आहे. पोलिसांनी पंचनामा केला असून, सीसीटीव्हीच्या मदतीने आरोपीला अटक केली आहे. या घटनेनंतर परिसरात खळबळ उडाली आहे.

अविनाश शंकर देवकर (वय वर्ष ३५) असे मृत तरूणाचे नाव आहे. हा धक्कादायक प्रकार बीड जिल्ह्याच्या अंबाजोगाई शहरातील रायगनगर येथे घडली आहे. सूत्रांनी दिलेल्या माहितीनुसार, हॉटेल दरबारमध्ये अविनाश बसला होता. दरम्यान, अज्ञात आरोपी अविनाशजवळ पोहोचला. आरोपीनं तीक्ष्ण हत्यारानं त्याच्या डोक्यात सपासप वार केले. या हल्ल्यात अविनाश रक्तबंबाळ झाला. त्याचा जागीच मृत्यू झाला.

घटनेची माहिती मिळताच अंबाजोगाई शहर पोलिसांनी घटनास्थळी धाव घेतली. तसेच घटनेचा पंचनामा केला. दरम्यान, ही हत्या कुणी केली? हत्या कोणत्या कारणास्तव केली? याचा तपास पोलिसांकडून सुरू आहे. पोलिसांनी अविनाशचा मृतदेह शवविच्छेदनासाठी रूग्णालयात नेले असून, या घटनेमुळे परिसरात खळबळ उडाली आहे.

पोलिसांनी तपासाची चक्रे फिरवली. घटनास्थळावरील पोलिसांनी सीसीटीव्ही तपासले. सीसीटीव्हीच्या माध्यमातून पोलिसांनी आरोपीला शोधलं. पोलिसांनी नुकतेच ताब्यात घेतलं. पुढील तपास अंबाजोगाई शहर पोलिसांकडून सुरू आहे. या घटनेनंतर परिसरात खळबळ उडाली आहे.