बीड : गेल्या तीन दिवसांपासून बेपत्ता असलेल्या विवाहित महिलेचा (women) विहिरीत मृतदेह आढळल्याने खळबळ उडाली आहे. ही घटना बीडच्या (Beed) जप्ती पारगाव गाव परिसरात उघडकीस आली आहे. पल्लवी सखाराम चव्हाण (वय 19 राहणार हिरापूर) असं मृत विवाहितेचे (married) नाव आहे. (beed crime news)

पल्लवी चव्हाण या गत तीन दिवसांपासून बेपत्ता होत्या. यादरम्यान त्यांचा शोध सुरू असताना शनिवारी उशिरा त्यांचा मृतदेह जप्ती पारगाव शिवारातील सुनील हिंगेकर यांच्या शेतात असलेल्या विहिरीत आढळल्याने खळबळ उडाली आहे.

याबाबतची माहिती मिळताच बीड ग्रामीण पोलीस ठाण्याचे सहाय्यक पोलीस निरीक्षक योगेश उबाळे यांच्यासह कर्मचारी घटनास्थळी दाखल झाले. त्यांनी मृतदेह विहिरी बाहेर काढत घटनास्थळाचा पंचनामा केला. मृतदेह शवविच्छेदनासाठी जिल्हा रुग्णालयात पाठविण्यात आला आहे. दरम्यान याप्रकरणी पल्लवी चव्हाण यांची आत्महत्या की हत्या ? याचा शोध पोलीस घेत आहेत.

Edited By : Siddharth Latkar