बीड : उसनवारीने घेतलेले पैसे परतफेड करताना खोटा धनादेश दिला. याबाबत संबंधित व्यक्तीने केलेल्या आरोपावरून (Beed) बीडच्या परळी येथील सराफा व्यापाऱ्यास न्यायालयाने शिक्षा (Court Judge) सुनावली आहे. यात सराफ व्यापाऱ्याला ६ महिने कारावास व ६ लाख रुपये नुकसान भरपाईची शिक्षा ठोठावली आहे. (Maharashtra News)

बीड जिल्ह्यातील परळी शहरातील आरोपी सचिन किशनराव दहिवाळ (जिरेवाडीकर) यांनी व्यवसायासाठी हातउसणे म्हणून दादाराव संभाजी मुंडे यांच्याकडुन ४ लाख रुपये घेतले. सदरची रक्कम परतफेडीकरिता ४ लाखाचा आयडीबीआय बँक शाखा परळी वैजनाथ या बँकेचा धनादेश दिला. मात्र हा धनादेश खोटा असल्याने धनादेश बँकेत वटला नाही. धनादेश न वटल्यामुळे दादाराव संभाजी मुंडे यांनी (Parali) परळी न्यायालयात फिर्याद दाखल केली. या प्रकरणाची सुनावणी परळी न्यायालय झाली. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

न्यायालयाने सुनावली शिक्षा 

फिर्यादीचा युक्तीवाद मान्य करून आरोपी सचिन किशनराव दहिवाळ यास ६ महिने कारावासाची शिक्षा ठोठावली. तसेच आरोपींने फिर्यादीस ६ लाख रुपये नुकसान भरपाई द्यावी. नुकसान भरपाई न दिल्यास आरोपीला पुन्हा तीन महिना कारावास भोगावा लागणार आहे. सदर रक्कमेवर ९ टक्के व्याज द्यावे लागणार आहे.