बीड : बीडच्या माजलगाव तालुक्यातील गोदाकाठावर असणाऱ्या सादोळा गावासह परिसरातील गावांमध्ये पशुधन चोरट्यांची (Beed) दहशत पसरली आहे. चोरीच्या वाढत्या घटनेने शेतकऱ्यांमध्ये दहशतीचे वातावरण निर्माण झाले असून सादोळा शिवारातील आखाड्यात असणाऱ्या गाईची चोरी करताना चोरटे सीसीटीव्ही (CCTV) कॅमेऱ्यात कैद झाले आहेत. विशेष म्हणजे या गावात तब्बल चार ते पाच शेतकऱ्यांचे ८ जनावरे चोरीला गेले आहे. (Breaking Marathi News)

गोदाकाठावरील शेतकरी हा सदन शेतकरी (Farmer) म्हणून ओळखला जातो. या ठिकाणी पाण्याचे प्रमाण मुबलक असल्यामुळे येथील शेतकरी हा शेतीसोबतच जोडधंदा म्हणून दुभती जनवारे गाई, म्हशी व तसेच शेतीसाठी लागणारे बैल जोडी हे पालन करत असतो. परंतु, गेल्या महिनाभरापासून सादोळा शिवार व गावामध्ये जनावरे चोरांनी (Animal Theft) धुमाकूळ माजवला आहे. त्यामुळे शेतकऱ्यांमध्ये दहशतीचे वातावरण निर्माण झाला असून तात्काळ चोरट्यांचा बंदोबस्त करावा. अशी मागणी देखील शेतकऱ्यांमधून केली जात आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

पोलिसात गुन्हा दाखल 

बीड जिल्ह्यातील सादोळा गावातील शेतकरी कैलास प्रकाशराव सोळंके यांच्या शेतातील शेडमध्ये बांधून ठेवलेली गाय चोरट्यांनी चोरून नेत असतानाचे दृश्य सीसीटीव्ही कमेऱ्यात कैद झाले आहे. तर पवन दीपकराव सोळंके यांची बैलजोडी गावातील घरापासून चोरी झाली आहे. शेतकरी संदीपान मोरे यांचा एक बैल चोरी झालेला आहे. तसेच सादोळा येथील शेतकरी संजू सोळंके यांचे तीन बैल एक गाय हे त्यांच्या आखाड्यावरून चोरट्यांनी चोरी केले आहेत. याप्रकरणी माजलगाव ग्रामीण पोलीस ठाण्यात गुन्हा दाखल झालाय.