बीड : परळी लोहमार्गावर थेट रेल्वेत चोऱ्यांच्या घटनेत वाढ होत आहे. याच दरम्यान मध्यरात्रीच्या सुमारास घाटनांदुर रेल्वे स्थानका दरम्यान कोल्हापूर- नागपूर रेल्वे गाडी क्रॉसिंगसाठी थांबली असता दोन प्रवाशांचे सोन्याचे दागिने चोरट्यांनी लंपास केले आहेत. मागील महिनाभरात ही चौथी घटना असल्याने प्रवाशांमध्ये भीतीचे वातावरण निर्माण झाले आहे.

कोल्हापूर- नागपूर ही एक्सप्रेस मध्यरात्रीच्या (Beed) सुमारास घाटनांदुर रेल्वे स्थानकादरम्यान रेल्वे क्रॉसिंग साठी थांबली होती. याचाच फायदा घेत चोरट्याने दोन प्रवाशांचे दागिने लंपास केले आहे. यापूर्वी देखील सिग्नलमध्ये तांत्रिक बिघाड करत चोरट्यांनी रेल्वे थांबून चोरी करण्याचा प्रयत्न केला. यात चोरीच्या घटना (Railway Police) देखील घडल्या आहे. असाच काहीसा प्रकार पुन्हा एकदा समोर आल्यानंतर भीतीचे वातावरण निर्माण झाले आहे. 

रेल्वेत रात्रीच्या सुमारास घडलेल्या घटनेने प्रवाशांमध्ये भीतीचे वातावरण पसरले आहे. दरम्यान प्रवाशांच्या फिर्यादीवरून परळी रेल्वे लोहमार्ग पोलीस ठाण्यात गुन्हा नोंदविण्यात आला आहे. त्यादृष्टीने रेल्वे पोलिसांकडून तपास सुरु करण्यात आला आहे.