बीड : बीड जिल्ह्यात 22 वर्षीय नवविवाहित तरुणाचा संशयास्पद मृत्यू झाला. ही घटना बीडच्या गेवराई (Georai) तालुक्यातील निपाणी जवळका तांडा येथे घडली. (Maharashtra News)

पांडुरंग राजाभाऊ चव्हाण (वय 22) असे मयत तरुणाचे नाव आहे. पांडुरंग चव्हाण या तरुणाचा विवाह (Marriage) पौळाचीवाडी येथील मुलीसोबत झाला होता. लग्नाला 21 दिवस झाले होते. मात्र त्याच्या गळ्याला खुणा असलेल्या (Beed News) अवस्थेत त्याचा मृतदेह आढळून आला आहे.

घातपाताची शक्‍यता

लग्‍नाला अवघे काही दिवस झाले असतानाच सदरची घटना घडली. त्यामुळे हा घातपात असल्याची शक्यता नातेवाईकांकडून वर्तवली जात आहे. दरम्यान या प्रकरणी गेवराई पोलीस ठाण्यात नातेवाईकांनी तक्रार दाखल केली असून गुन्हा दाखल करण्याची प्रक्रिया सुरू आहे.